Една божиќна желба, двајца браќа и цел живот исчекување на вистинската љубов.
Тоа е најубавото време во годината… но не и за Мејлин Џоунс. Таа живее со своите родители, ја мрази својата работа, а и овој Божиќ таа направи романтична грешка од епски размери.
Но, можеби најлошо од сè што ова е последниот Божиќ на нејзиното најсреќно место – малата дрвена куќа во Јута каде што таа и нејзиното семејство го поминуваа секој Божиќ заедно со најдобрите пријатели на нејзините родители. Мејлин не може да се помири и бара одговор – зошто универзумот ѝ ја одзема среќата и дали некогаш повторно ќе ја најде?
Следното нешто што памети е чкрипење на гуми, судар и сè станува црно. Но, кога Мејлин ќе се разбуди… таа е во истиот авион на пат за Јута и дрвената куќа каде што повторно ќе го доживее истиот божиќен одмор.
По извесно време Мејлин разбира дека универзумот и дава шанса да ја поправи грешката, да го спаси своето најомилено место и конечно да се избори за својата вистинска љубов.
Дали Мејлин ќе го добие својот љубовен бакнеж под божиќната имела?
