Тарик Али е Пакистанец, поточно Панџаби Пакистанец. Покрај тоа што на светот му е познат како личност од филмскиот свет, тој е новинар, политички активист, и пред се’ интелектуалец каков што му е потребен на светот. Низ кариерата се соочувал со политички обвнинувања заради својата отвореност во настапите.
Оние кои се љубители на неговите книги знаат каков космполитски пристап има кон сите животни теми. Табуата, религиските и политичките погледи ги поставува пред читателот со своевидна отвореност. Неговите дела се тивко пловење низ интелектуалната писменост. За нас, од овие крашта, тој ни пренесува една слика за еден сосем поинаков живот на источните народи.
„Сенките на дрвото од калинка“ и „Султанот од Палермо“ веќе се на листата на омилени книги на македонската читателска публика, а тој во нив раскажува за една поинаква култура, правец кој го продолжува и во „Ноќ на златната пеперутка“.
Во неговото последно преведено дело на македонски јазик „Ноќ на златната пеперутка“ маестрално ги насликува сликите на Панџаби општеството, сестраност, но и огромен патриотизам, кој како невидена нишка што секој Панџаб го држи во тивка заробеност со родниот Пакистан.
Од утре „Ноќ на златната пеперутка“ ќе биде достапна во нашата книжарница, а само утре специјални цени на сите дела на Тарик Али. Неговите книги не се ракописи за површно читање, тоа се дела кои имаат длабока емотивна порака. Љубовни приказни кои не се темелат на ниски страсти, интелектуален патриотизам кој не завршува само со земање пушка во рака. Едноставно тоа е Тарик Али!
