Е-адреса: Лозинка:

Продукти: 0
Цена 0 мкд

Препорачуваме

Инферно

Ден Браун




Оригинален наслов на книгата : Inferno
ИСБН : 978-9989-32-713-1
Година на издавање : 2013
Издавачка куќа : КУЛТУРА
Прегледaна: 4052 пати
Коментари вкупно: 25
Број на страни: 537
Димензии : 15,5x23
Корица : мека



Краток опис

Данте инспирираше раѓање на уште едно уметничко дело! Но уметничко дело кое сее смрт! Дали ИНФЕРНО за човештвото значи Пекол, Чистилиште или Спасение?

Роберт Ленгдон се буди во болнички кревет, под седативи и потполно дезориентиран... Несвесен за моментот кога пристигнал во Фиренца, дознава дека има прострелна рана на главата и дека вистинско чудо го спасило од смртта. Сиена Брукс, интелегентна и згодна млада докторка, прави сè да му помогне на професорот по симбологија да се извлече од канџите на Конзорциумот – моќна организација која го гони низ три европски градови... Неколку спротиставени страни се натпреваруваат да дознаат една единствена информација! Каде е скриено мистериозното и смртоносно ремек-дело кое му прети на човештвото и само еден човек може да го најде? Професорот по историја, уметност и симбологија вешто ги толкува и најмистериозните траги кои позади себе ги остава богатиот гениј за генетски инжинеринг...


Ден Браун повторно не води на патување низ мрачните предели на човечкиот ум, каде се раѓаат грандиозни и опасни идеи...


Оценка од корисниците

5 звезди

346

4 ѕвезди

71

3 звезди

42

2 ѕвезди

63

1 ѕвезда

559

Просечна оценка
2,4
1081

Коментари од корисниците

08.02.2014 12:16:16   Anonymous напиша

Почитувани, Морам да упатам неколку негативни критики во врска со припремата и печатењето на книгата Инферно. Припремата на книгата за печатење има неколку пропусти, кои во денешно време се класификуваат како големи пропусти во професиналното работење на компјутреска припрема за печатење. Припрема 1. Низ целата книга, избегнувајќи ја "hyphenation" (не користејќи цртичка за делење на зборови во нов ред), на многу места текстот е толку наптрупан, што "space" (растојание) помеѓу зборовите е скоро изгубено, така да зборовите се толку збирени во тој ред да делуваат како еден збор. 2. Користејќи стандарден "Italic Times" фонт, македонското мало "т" и "п" изгледаат како латинично "m" и "n". Печатење. 3. На 22 страна, на последните неколку реда, има "круг" од неколку сантиметри каде текстот е избледен, скоро и не се гледа. Тоа го има во сите примероци на испечатената верзија. 4. Целата книга е со "шарени" страници - некои страни се со побледа, а друга со појака црна боја, така да генералниот изглед на печатењето е лошо. Ова ви го пишувам, бидејќи продавате книга по цена од 999,00 денари, отприлика двојно поскапа од очекуваната цена за оваа книга, а ни нудите, на нас на читателите, технички аматерско издание. Можеби цената е толку висока поради авторски права (не навлегувам во причината за високата цена, ирелевантна е за предметот на оваа порака), но издавачката куќа Култура со 70 годишно постоење, никогаш не смее да дозволи да издаде вакво технички неквалитетно издание на своите читатели. Со почит, дипл ел инг Веселин Стефановски
09.10.2013 13:52:45   Anonymous напиша

Почитуван, Во врска со Вашиот коментар, жал ни е што не сте свесни за своето незнаење. Во иднина Ви препорачуваме прво да го потврдите своето знаење со ПРАВОПИСЕН РЕЧНИК на македонскиот јазик или пак на следнава страница http://lektormk.blogspot.com/2010/10/blog-post_06.html Во секој случај можете да поминете во кое било време во дирекција и во книжарница за да го запознаете тимот на КУЛТУРА”
09.10.2013 13:30:28   Anonymous напиша

Добро бе драги мои, кај го видовте Њујорк 'тајмс' со мала буква? Нели ова укажува на некоја основна култура или некултура на издавачот? Зошто вакви глупави пропусти кога на пример луѓе со македонски јазик и општа и компаративна книжевност седат дома, а кај вас работи некој што не знае корица успешно да реализира? Кој знае какви граматички небулози има внатре кога ќе се отвори книгата.... За квалитетот на Ден Браун не зборувам, вкусови се во прашање, но овој 'мал пропуст' кажува многу за вашата издавачка култура.